Øyvind Strømmen arbeider til dagleg som informasjonsrådgjevar i Kvam herad, men gjer i tillegg noko arbeid som frilansjournalist og som spaltist i Stavanger Aftenblad, Journalisten og Prosa.
Strømmen er utdanna innan journalistikk og religionsvitskap, og har som journalist særleg arbeidd med ulike former for ekstremisme. Han har skrive tre bøker om det europeiske ytre høgre – Det mørke nettet (2011), Den sorte tråden (2013) og I hatets fotspor (2014). I tillegg har han gjeve ut biografien Anders Lange – en norsk historie (2016) og boka Ungarn – en fortelling om Europa (2018). No jobbar han med ei bok om konspirasjonsteoriar.

Strømmen arbeider i dag med fleire ulike felt, blant dei radikalisering, ekstremisme og nettkultur. På fritida er han glad i dataspel, teikneseriar og halvgode amerikanske TV-seriar. Han snakker flytande nederlandsk, og les tysk, afrikaans og noko fransk og rumensk.